المساعد الشخصي الرقمي

مشاهدة النسخة كاملة : شاب يرثي أمـــه بعدما تسبب في موتها



امير الضلام
2009-06-23, 21:54
هذا الشاب المتهور تعرض إلى حادث وكانت معه أمه فتوفيت وبقي هو علي قيد الحياه وكتبت عنه هذي القصيده






يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني



لكـــــم ارقى تحياتي

Sankoor
2009-06-26, 09:50
يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات


كتب قلمك بتميز
حروف كلمات
ابدعت تميزت

ابوالنور
2010-05-16, 13:46
http://4upz.almsloob.com/uploads/images/www.almsloob.com-7040438209.gif
ما أجمل كلماتك .. وترها حساس .. ورونقها في أحلى قياس..

العطاء .. جعلت اليقين لدينا أن اسمها على مسماها..

طربنا بعبارتك ..

إلى الأمام يا عطاء ..
شكرا

يادرب ماأصعبك
2010-06-24, 10:15
باي قلم تكتب وباي رياح تعيش
فكل ماتخط يمناك جميل
وكل ماتاتي به من رياحك رائع

تقبل مروري .....دمت بخير

همـسه
2010-06-24, 11:13
مشكور امير الضلام
اختيار موفق

تنقل لقسم مختارات شعرية

نرمـين
2010-06-24, 13:32
امير الغرام

كلماتـــــــ .. تعبر عن الحـــزن......

الحــزن المظــلم,,,,و

اقسى انواآآآع الحـــزن........

كلمات تتقطر المــــا....

احسست .. باحساس الكاتب....

فتوقفت الكلمات......وامتلأت عيناآآآي بالدموووع.......

عند قراءتي.... القصيده.......

تعبير عن احساس واضح,,,,,,,

اختيآآآآآآآآآآآآر والا اروع

والا احــــــــــزن..

سلم قلبكــــ من كل حــزن

تقبل مروري

مودتي

Sankoor
2010-06-25, 12:25
لوحة مليئهـ بالمشاعر



وتعجز الكلمات ان اوصف مدى روعتها


ولك مني كل التقدير

مودتي