المساعد الشخصي الرقمي

مشاهدة النسخة كاملة : الاشتياق



وسام الشيب
2010-02-22, 21:15
ياويل قلبي كل مااشتقت لقياه

وشلون ماتشتاق عيني لعينه


أنا أدري إني حيل أحبه وأهواه

وأنا أدري إن القلب صار بيدينه


أموت أنا به في غيابه وأحياه

وشلون أجل لو صافحتني يمينه


حاولت أنا اكتم عبرتي يوم فرقاه

وألملم جروح الزمان الطعينه


واعطيه من قلب المعنّى معاناه

وآخذ من جروحه ولو هي دفينه


وأضيع به في زحمة الناس وأنساه

وأنسى معه ذكرى السنين وحنينه


لقيت نفسي كل ما حل طرياه

عروق قلبي كلها تقول وينه


يامر على قلبي ولا شك ينهاه

كلي أنا تحت الإشارة رهينة


ما كل من يضحك سعيد بدنياه

وما كل من يبكي دموعه حزينه


أحدن بكى .. والكل يدري عن بكاه

وحدن مع الضحكه تحس بونينه


ياشين فرقى الحب وياشين بلواه

والمشكلة دنيا بلا حب .. شينه


والزين ما يكمل ولو كان ماحلاه

إلا حبيبي ماتغيّر بزينه


ماجيت أسولف عن حلاه ومزاياه

.يكفي أحاسيسي وقلبي عارفينه


كن الفضا في غيبته ضاق مسعاه

وكني غريقٍ ينتظر له سفينه


شف دنيتي ياصاحبي عقب فرقاه

مثل الظلام اللي حصل بالمدينة


باكتبه أنا في صفحة الشعر واقراه

وباذبحه بزود الغلا دون سكينة


وبارسمَه في لوحة الشعر وانعاه

وبادفنَه بين الضلوع الحنينه


بوسط الحشا في داخل الصدر مثواه
إما يسار القلب وإلا يمينه

همـسه
2010-02-22, 22:23
بوح أشجاناوأمتعنا..رغم المرارة إلا أنه سيحين ..!!
ضياء عذب ينعش القلب
لروحك وحرفك المفعمة بالإبداع كل شكري وتقديري
لك خالص الأمنيات وأرقها

ميسا
2010-02-23, 11:48
شدني كثيرا هذا الاحساس

وهذا التصووير الرائع

اقف حائره بآي الكلمآت أرد

خاطره كتبت بصدق المشآعر

أهنئك لانك تحمل حس مرهف

وقلم مبدع سيتمرد دوما ليكتب

من الكلمات اروعها واجملها

تحياتي الدافئة

بسمة امل
2010-02-24, 13:37
كلمات رائعة وجميلة جدا
سلمت أناملك وسام علي رقي طرحك
وبأنتظار جديدك دوما
شكري وتقديري لك

وسام الشيب
2010-02-28, 17:57
الف الف شكر نور ميسـا بسمة امل على مروركم