حروف الابجديه للتعليم
الالف: انا بدي مصاري عندي عزيمة
الباء : بكرا لازم توصلني لبيت اهلي عندهم حفلة
التاء : ترى اليوم انا مالي مساويه عشا جيب معك اكل جاهز
الثاء : ثلاث اسابيع ما طلعنا تمشينا يالله اليوم عميل حسابك
تطالعنا
الجيم: جيرانا ركبوا اليوم دش معقول نحنا مايكون عنا
الحاء : حبيبى..بدى غير ساعتي ,مليت من ساعتى الاوميغا
الخاء : خبر الشله اليوم انك مالك جاي ..انا عازمتك نتعشى بره, بس على حسابك
الدال : دور لنا على فيلا على 3 شوارع شو يعني بيت أخوك أحسن مننا
الذال : ذيك السنة (قبل 10 سنوات) قلت لك اشتريلنا سيارة فان اوسع وما شتريت
الراء : روح قدم على اجازة و خلينا نسافر عالبحر ,, شوووب
الزاي : زيد مصروف البيت يعني يادوب عم يكفي
السين :سجاد البيت صار قديم .....غيره يا اخي (السجاد ما كمل سنتين )
الشين : شيل الولد مالك شايف انو عم يبكي ,انا تعبت من الولاد
الصاد : صف كندرتك محلها وعلق ملابسك مكانن,مليت وانا القط وراك
الضاد :ضاع عمري وانا بتعب معك ليش شفت منك يوم خير
الطاء : طالع هالغسيل وانشرو مشان ما يروح علي المسلسل
الظاء: ظاهرتك انك ما تحبنى.. في مرة طلبت منك طلب
ولبيتلي ياه (الله اعلم شو مخبية طلب )
العين: عيوني..اليوم حكت اختك معي عالتلفون يالطيف على هالنفسية شو جكرة
الغين: غير يا اخي هالمواضيع حسسني انو بتحبني شوي
الفاء : فهمت عليك ما تكمل ( تقطعلو كلامه مشان تحكي شغلة براسها)
القاف : قدر يا اخي شوي...كل شغل البيت على راسي..
الكاف: كم مرة قلت لك انو أمك ما بتحبني
اللام : ليش اهلك عزموا بيت اخوك وما عزمونا ؟؟
الميم : معقول البس نفس الفستان على الحفلتين
النون :نسيت انو بكرة عيد ميلاد بنت اختي
الهاء: هيك رح تضل ؟؟ ترى بروح لبيت اهلي
الواو: ولدت اختي شو بدك تهديهم
الياء: يا الله ايدك على 2000 ليرة حلاوة الصلحة لانك
زعلتني وكسرت خاطري الله يكسر خاطرك
قول آمين
هههههههههههههه