كان يا ماكان ...

صفحتنا على الفيس  بوك قناتنا على يوتيوب صفحتنا على تويتر 

المنهاج الفلسطيني لجميع الصفوف  الامتحانات لجميع الصفوف 

النتائج 1 إلى 6 من 6

الموضوع: كان يا ماكان ...

كان يا ماكان ... سوياً .. لنجمع قصصاً تحاكي فلسطيننا بالماضي على أنغام اللهجة الشعبية أبدأها معكم اليوم على أن يتم عرض قصة كل يومين ..

  1. Icon (13) كان يا ماكان ...

    كان يا ماكان ...

    سوياً ..
    لنجمع قصصاً تحاكي فلسطيننا بالماضي على أنغام اللهجة الشعبية
    أبدأها معكم اليوم على أن يتم عرض قصة كل يومين ..

    لا اختلاف على مصدر القصة سواء أكانت من على لسان الجدة أو من كتاب تراث أو موقع الكتروني أو غيره

    قد تكون قصيرة أو طويلة جداً
    قد تدخل فيها الهوارة والعتابا والميجانا
    قد تحكي عن البلد , الشعب , الشهيد , الأسير , أصل كلمة , أسطورة , لهجة ....

    كان يا ماكان ... janoob.jpg


    فلنبدأ..
    أختكم ساندي ابراهيم



    ;hk dh lh;hk >>>


  2. افتراضي

    فلسطين بعتت سلام للجميع..

    وحكتلي.. قولي لأولادي.. اشتقت كتير للقعدات الحلوة.. ضو القمر .. وقلوب الحبايب..... والقصص الندية.. والحكاوي.. تعالوا لنرجع أيام زمان.. كل يوم قصة وصورة وكلمة .. كل يوم حكاية.. مش لحتى نام.. عشان يصحى فينا إشي ما بنام.. ليالي كانت في فلسطين .. وقصص نحكيها لنبقى احنا في الوطن عايشين .. فلسطين بتسلم عليكم: وعم بتقولكم..
    كان يا مكان يا سادة يا كرام.. كان يا مكان يا مستمعين يا كرام.. وما يحلى الكلام الا بالصلاة على الحبيب محمد خير الأنام.. زيدوا الصلاة صلاة.. هاظ يا سادة يا كرام .. يا أهل الجود والإكرام.. كان في.. ولم كان في .. كان هناك كل شي.. كان في بلد ما تعرف الشمس غيرها وطن.. والقمر فيها وجه صبية مليحه.. وكان فيها ناس .. الحب والخير فيهم أساس..
    كان يا مكان.. وطن .. حب .. سلام .. أمن .. شجر .. عمر .. قمر.. كان يا مكان.. كان وما زال في وطن .. اسمه فلسطين.. ويا حبايبي يا سامعين .. ما في منها اثنين.. ما بدي أكتر عليكم حكي.. طلع في يوم عليها الصبح.. هجمت الدبابة .. وما كانت خيابة.. هجموا على البيوت .. على الكروم.. ع الخوابي .. حرقوا الروابي.. وقلعوا عين الصبية.. وطفوا الشمس.. وصار الشعب الحر ساكن بخيام.. وما بكى عليهم حد .. لأنه البكي بده زلام.. وفي هالعالم ما كان زلام غيرهم.. سكنوا بالخيام.. ايش ضل بالقصه.. طلعوا عليهم بقصة توطين .. وأكياس طحين .. يا ويلي على المساكين : طلع فيهم منادي قال .. يا عالم ياهوووووو .. يا سمعين الصوت .. ورب السما والدنيا .. ترابك يا فلسطين ما يهون ..
    أنا لاجئ ساكن بخيمتي لحتى أرجع أو القيامة تقوم .. ما برضى بالذل .. راح أبقى عربي فلسطيني .. عاشق ع طول العمر .. عشقي فلسطيني .. يا سامعين الصوت .. أنا فلسطيني .. أنا فلسطيني .. أنا فلسطيني .. وهيك يا سادة يا كرام .. صلوا على النبي قبل ما نكمل الكلام .. وبقى الفلسطيني جرح بصدر الزمان .. حامل جروحه وين ما كان .. لسه ما بدت القصه حتى تنتهي .. لسه الحكي قدام .. بس الفلسطيني وصاني أبلغكم السلام ..
    وبوصيكم.. ادعولهم .. لحتى ربي يفرج الكرب .. ويرجعوا زي زمان

  3. افتراضي

    السلام عليكم ورحمة الله وبركاته


    و إم ولادي كيف رح تقضي نهارها .. ويلها علييي أو ويلها عصغارها ..
    يا ريت خليت في إيدها إسوارها .. يومن دعاني الحرب تا إشتري سلاحو ..
    لكتب على جبين الفجر موال .. تراب الوطن ما تقدره بأموال ..
    لا تحسبوا بجرة قلم تتملكوا .. هالأرض مش شروه ولا أكوال ..
    الأرض للي بيعزق ويفلح .. للي بإيدو ثمارها تطرح ..
    الأرض للمحراث وإيدي تعرفوا .. وجبين بحبات العرق يرجح ..
    وقلبنا الأرض قلبي بعد قلبي .. وسري دفنتوا يا ربعي بقلبي ..
    كتمنا سرنا ودقات قلبي .. مع الثوار بارود ولهب ..
    يا ربعنا هلو يا ربعنا جودوا .. واللي رضي بالذل إيش قيمة وجودو ..
    واللي ما يرضى القهر .. بيفرض وجودو ويرد الذل عن أرض العرب ...

    كانو ثلاث رجال .. تسابقوا عالموت .. أقدامهم عليت فوق ركبة الجلاد .. وصارو مثل يا خال .. بطول وعرض البلاد ..
    نهوى ظلام السجن يا أرض كرمالك .. يا أرض يومن تندهي بتبين رجالك ..
    يوم الثلاث وثلاث .. يا أرض ناطرين .. مين اللي يسبق يقدم روحو من شانك ..
    ومن سجن عكا وطلعت جنازه .. محمد جمجوم وفؤاد حجازي ..
    حجازي عليهم يا شعبي جازي .. مندوب السامي وربعه وعموما ..
    ويقول محمد أنا أولكم .. خوفي يا عطا أشرب حسرتكم ..
    ويقول حجازي أنا أولكم .. ما نهاب الردى ولا المنونا ..

    أكتفي بهذا القدر .. فالقصه طويله كتير .. ولم تنتهي إلى الآن

  4. افتراضي

    اشكرك على هذا الموضوع القيم

    وفي انتظار جديدك دوما

    اتمنى لك التوفيق

  5. افتراضي

    قصة فلسطينية في ابيات شعر



    الله واحد مالو ثان

    القصه قصه انساني

    عاشت في قديم الزمان

    وأولها كان يا مكان

    كان إلها أربع صبيان

    محمد واحمد وغسان

    وأصغرهم إسمو عدنان

    لما كبروا هالصبيان

    شاهدوا غدر اللئام

    وسألوا امهم يا يما

    ليش ما إلنا بستان؟

    وينو أبونا يا يما؟

    قلتيلنا انه رجعان

    وليش منسكن بالخيمه؟

    من دون كل الجيران

    قالت امهم يا ولادي

    كان إلنا أجمل بستان

    حرثو أبوكم بدراعه

    زرع العنب والرمان

    وكله فـّي وكله مي

    كله خضره واطمئنان

    وبجنبو إلنا بياره

    فيها الحامض والحليان

    وبالبياره بير كبير

    حفره أبوكم للعطشان

    وقبالوا شارع طويل

    بينزل دغري على بيسان

    على طرفه كلو أزهار

    ورد وفل واقحوان

    وبغربه كان إلنا بيت

    وقباله ساحه وميدان

    وفي الساحه مربط للخيل

    لأبوكم شيخ الفرسان

    فيه القهوه وفيه الهيل

    فيه حدث يا مكان

    كنا نقضي فيه الليل

    والقمر فوقنا سهران

    منسامر ونقول يا ليل

    والدنيا كلها أمان

    كنتوا إنتو ولاد صغار

    تنزلوا على البستان

    تقطعوا من الاثمار

    تلعبوا مع الأغصان

    مر الزمن يا حبابي

    كبر العنب والرمان

    لكن الظالم يا ولادي

    غادر ما إلو أمان

    وهجموا علينا الأعادي

    ونزلوا من البدر النسوان

    سقط أبوكم يا ولادي

    وهو يدافع عن البستان

    والي استشهد استشهد

    وتصاوبوا كل السكان

    اليوم كبرتوا يا ولادي

    صرتوا من رجال الشجعان

    فلسطين بتستنا

    بتستنا كل الفرسان

    وبتنادي هي يا ولادي

    حرروني من العدوان

    إتطوع أحمد وغسان

    ولحقوا محمد وعدنان

    ونزلوا على فلسطين

    حملوا المدفع والقرأن

    عند حدود البياره

    والقمر يرسل لمعان

    واستشهدوا بالغاره

    قبل ما يشوفوا البستان

    وعلى باب الخيمه وقفت

    ام احمد ام الشجعان

    قالت يا ربي حمدك

    ما غيرك إني حمدان

    رايح أبكي ورايح أنوح

    لكن ياربي فرحان

  6. افتراضي

    ~~~ كـــــــــــــان يـــــــــــا مكـــــــــــــــان~~~~



    جيت أحكيلكم يــــــــــــــــاخوان قصة بدت من زمـــــــــــــــــان
    كـــــــــان يا مكــــــــــان
    كــــــــــــــــان فى أرض حلوة مزيّنة بالفل والريحــــــــــــــــــان
    وأشجار التيــــــــ
    ــــــن والزيتـــــــــــــــــــــون والرمـــــــــــــان
    وبيقلع فى هالأرض جدى وماسك الفــــــــــاس وبيقول يا رحمان
    فجأة سمع جدى صوت قصــــــــــف وضرب ف كل مكــــــــــــان
    وقع هالفاس من إيدو ودمـــــــــــــو رسم لوحة بايد يهودى جبان
    مـــــــــــــات جدى.........اسمعتوا يا عُربـــــــــــــــــان؟؟؟؟؟؟؟؟
    سمعوا العرب وسكتوا وطنّشو ودبحـــــــــــوا الخرفــــــــــــــــان
    وملّو هالكروش ونـــــــــــامو ع الفراش وبــــــاسو راس الأمريكان
    قعد هالعربى ع التلفزيون وشاف خبر عاجــــــل ومزيع غضبـــــان
    خبر عـــاجل:قصف وقتل وتشريد أهل فلسطين وظلم واستيطان
    غيّر يا ولد عن هالمحطة بكفيــــــــــنا نكــــــــد وأحـــــــــــــزان
    وحُط محطة رقص وخلع وطرَب....وكيّف يـــــــــــــــا شيطـــــــان
    هيك هما العرب والله ...جبن وخوف وخيـــــــــــــانة وبيع للاوطان
    والله ما بعرف شو بدى قول وعن شو أشكى يا انســــــــــــــــان
    شعبى عايش حزين مهموم والعرب غرقانيين ف بحر النسيــــــان
    دمنا صار شلال ف الشوارع والعربى بيشرب منو ولسه مو شبعان!!!!!!!
    ولكـــــــــــــــــم وين الضميــــــــــــــر ووين الوجــــــــــــــــدان
    شو اللى صاير فيكم ياهل القــــــــــــرآن
    ضيّعتوا دين نبيكم العدنـــــــــــــــــــــان!!!!!!!!!!!!!

    شـــــــــو اللى صاير فيكم يا عُربـــــــــــان؟؟؟
    ؟
    ؟

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •