لو ندري بنفترق ما كنا حبينا

**رنيم** · 2010-06-17, 20:51

كفايه .. وماحصل بالأمس يكفينا
لاتحنّي ايديك ,, خل دموعك الحنّا

الى متى ؟ نكذب .. ونوهم امانينا
مليت اجامل .. واقول آنّا واقول آنّا

تعال عند المكان .. اللي ضوى فينا
عشان أورّيك وش صرنا ؟ ووش كنّا ؟

خلنا نتوادع ( هنا ) .. ( هنا ) تلاقينا
( منّا ) بدى الحب .. لازم ينتهي ( منّا )

ماللزمان أي سبّه .. في تجافينا
وش له نلوم الزمن ؟ دام السبب حِنّا !

صارت صباحاتنا ,, تشبه أماسينا !
لابانت الشمس ! ,, والعصفور ماغنّا

لو ندري بنفترق ؟ ماكان حبّينا
ولا تركنا ( قلوب الحب ) تتمنّا

وش هو نسوي بعد ! .. وش هو ماسوينا
مقسوم .. والله كتب ( حكم القدر ) عنّا

في الحب ( أحاسيس ) .. ماتوصف بأغانينا
أسمى من الوصف ,,, وأرقى من تخيلنّا

(( موضوعنا منتهي )) .. ماعاد يمدينا
عمر ٍ خسرناه ! ,, لايمكن يرد إلنا

واذا رجعنا لبعض ولاً تراضينا !
لاتحسب آنّا ,, برنجع مثل ماكنا

رئيسية الموقع منتديات الملتقى التربوي - القسم مختارات ادبية وشعرية

g, k]vd fktjvr lh ;kh pfdkh

همـسه · 2010-06-17, 21:31

بوح شفاف
غاص في عمق نفسي
ولامس أكثر الزوايا مني إحساساً وشعور
رائعة في اختيارك عزيزتي
لروحك الود

تنقل لقسم مختارات شعرية

**همسة محبة** · 2010-06-17, 22:16

خيتي رنيم
لا كلمات تليق بجمال همسك
بكلمات تقفز حرفا تلو الآخر
بالحب . والاشتياق .والحلم ...

هي امنيات مبعثرة....
استطعت بها ان تنقلنا الى عالمك
الذي ترسمه . بأحساسك
العالي . وبأشواقك الراقية....

.كل الاحترام مني لك
دمت بود